Vieiros

O grupo folc Lume será o primeiro en subir ao escenario, neste caso ao do café cultural Auriense, na cidade das Burgas. Será ás nove. Até as once e media non comezará o seguinte concerto: o rap ordense de Dios ke te Crew escoitarase en Salvaterra do Miño, na sala Vagalume. Tan só cinco minutos despois, o cantautor Xoán Curiel actuará no Con do Moucho, na Illa de Arousa.

Á medianoite comezan catro espectáculos: o de Robín de los Estercoleros y su alegre banda de Pataphísicos irán até Outes, ao café concerto Antano. Blue Rain estará en Lugo, na sala Clavicémbalo, mentres que Telémaco ofrecerá a súa música na sala Planeta de Sarria e a Mr. Dixie Jazz Band estará no Verbum Nauticum de Vigo.

No Salón Parroquial de Ponteareas comezará ás doce e media Soak. Pechará a noite o Bukowski Trío? á unha no pub Gatos de Melide.