Vieiros

Segundo informa este domingo o semanal británico The Sunday Times, a rede terrorista pretendía facer caer internet no Reino Unido e causar así o caos nas empresas do país e na Bolsa de Londres.

A policía londiniense realizou unha serie de redadas nas que recuperou arquivos informáticos con fotografías dun centro de comunicacións de internet de alta seguridade na capital británica. A instalación alberga milleiros de servidores e é a sede dunha empresa subministradora de servizos de telecomunicacións a outras compañías.

Segundo o Sunday Times, a operación foi realizada por unha nova unidade do servizo de contraespionaxe británico destinada a protexer as principais infraestruturas do país claves, como centrais nucleares ou plantas de subministro de gas ou petróleo.