Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
ESÍXELLE A TOURIÑO QUE FAGA O MESMO CO ALCALDE DE FOZ

Feijoo pídelle ao alcalde arteixán que remita o 'caso das licenzas' ao fiscal

O PPdeG decide dar este paso logo de que o rexedor, Manuel Pose, recoñecese terlle dado permisos urbanísticos ás súas propias empresas.

Redacción - 17:23 12/03/2007
Vista aérea de Arteixo / Foto: arteixo.org

Vista aérea de Arteixo / Foto: arteixo.org

O líder dos conservadores decidiu dar un paso adiante na polémica urbanística que rodea ao alcalde de Arteixo, Manuel Pose. Despois de que o rexedor recoñecese publicamente ter concedido licenzas urbanísticas ás súas propias empresas, Feijoo pediulle personalmente a Pose que puxera toda a documentación a disposición do fiscal. Feijoo está convencido de que o rexedor arteixán vai acatar a orde do seu partido de xeito inmediato.

A oposición arteixán xa lle tiña reclamado nos últimos días á fiscalía que actuase de oficio no caso. Os partidos que conforman a corporación municipal consideran que hai indicios suficientes de irregularidades. Sobre todo despois de que o propio alcalde recoñecera que el mesmo tiña votado a favor de licenzas para empresas das que el tamén era socio. Pose defende que o acontecido non é ilegal, aínda que recoñeceu publicamente que o seu comportamento fora pouco ético.

Despois de ter dado este paso, Feijoo retou publicamente a Emilio Pérez Touriño a facer o mesmo no seu propio partido. Os populares opinan que o PSdeG debe esixirlle ao alcalde de Foz, Xosé María García, que faga o mesmo nas vindeiras semanas.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: