Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
Legalización ou abolicionismo?

A prostitución a debate no Revira

Ana Míguez, do centro Alecrín, e Nanina Santos, da revista Andaina, ofrecerán diferentes perspectivas sobre este tema en Pontevedra.

Redacción - 17:46 14/03/2007
Cartel que anuncia o debate

Cartel que anuncia o debate

A Asociación Cultural Revira organiza un debate sobre a problemática da prostitución, “fenómeno milenario e universal ligado a o patriarcado”. Este sábado 16 ás 20.00, debaterán no local social desta asociación pontevedresa (no 33 de Arcebispo Malvar) Nanina Santos Castroviejo, do equipo redactor da Revista Galega de Pensamento Feminista, Andaina, e Ana Míguez, presidenta de Alecrín.

Dende Revira salientan a auxe experimentada por este negocio en Galiza, ligada a “mudanzas na ideoloxía masculina” e “á chegada masiva de inmigrantes que fornecen esta industria, vinculada ao capitalismo máis mafioso e ilegal”. Tamén manifestan o seu rexeitamento ás medidas gobernamentais: “a lexislación española vixente permite o seu exercicio, mais realiza esporadicamente redadas para lavar a cara”. Como afrontar a prostitución é unha pregunta que suscita unha enorme polémica entre os diversos posicionamentos feministas, dende o abolicionismo até as propostas de legalización e regulamentación.


4.6/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: