Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
A competición ten a beizón do COI

Galiza terá oco nos Xogos para nacións sen Estado

De Alaska a Zanzíbar, pasando por Gales ou o Quebec. Galiza poderá competir con estes ou outros países nuns Xogos para os que Cataluña prepara a primeira edición en 2010.

Redacción - 15:00 16/03/2007
O goberno catalán propón que o COI lidere a iniciativa

O goberno catalán propón que o COI lidere a iniciativa

O Comité Olímpico Internacional amosou esta semana o seu interese polo proxecto promovido desde a Generalitat. A organización duns Xogos onde compitan seleccións de nacións sen Estado non será obstaculizada polo COI. Máis aínda, no documento que o vicepresidente da Generalitat, Josep Lluís Carod-Rovira, lle entregou en Lausana ao presidente da institución, Jacques Rogge, o goberno catalá proponlle ao COI que asuma o liderado desta competición, convite ao que aínda non respondeu formalmente o Comité.

No dossier entregado por Carod a Rogge faise mención ao exemplo de países que poderían participar nesta competición, unha lista de máis de medio cento que a nivel estatal só inclúe a Cataluña e Euscadi. Desde a vicepresidencia do goberno catalá non ven ningún impedimento para que Galiza poida participar no seu momento nestes Xogos, ben a través do propio convite que a Generalitat poida facer ou a través dunha solicitude da administración galega.

Desde a Generalitat explican que o documento se baseou na lista de "países deportivos" que teñen federacións á súa vez integradas directamente na federación internacional da especialidade correspondente. A listaxe inclúe tres federacións catalás e unha vasca. Con todo, a propia Cataluña conta xa con máis especialidades deportivas onde a súa selección é recoñecida internacionalmente. A Viquipèdia catalá menciona por exemplo o fútbol sala, o fútbol australiano, o raquetbol, o corfebol ou o Pitch and Putt.

Galiza "País Deportivo"
Oficialmente, a Generalitat non usa o concepto de "nación sen Estado" na promoción desta iniciativa, senón o de "país deportivo", co cal o nome da competición sería o de "Xogos de Países Deportivos".

A idea de "país deportivo" foi definida en 2003 nunha xuntanza internacional organizada polo goberno catalán en Barcelona. Segundo consensuaron os 23 países aló representados:

"País deportivo é calquera territorio xeográfica ou historicamente delimitado con homoxeneidade social e cultural, coas súas propias institucións políticas, independentemente de calquera recoñecemento político internacional. Tal territorio ten o seu propio sistema deportivo coas súas organizacións deportivas promovéndoo, xestionándoo e regulamentando, e agrupando democraticamente a maioría de federacións, clubes, asociacións e deportistas dentro do seu territorio"


Ligazóns

4,71/5 (14 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Os seareiros poderán animar o "equipo olímpico" galego
Os seareiros poderán animar o "equipo olímpico" galego
Carod presentoulle o proxecto esta semana a Jacques Rogge, presidente do COI
Carod presentoulle o proxecto esta semana a Jacques Rogge, presidente do COI