Vieiros

Vieiros de meu Perfil


Edición xeral

RSS de Edición xeral
Non di se se presentará aos próximos comicios

Evo Morales convocará eleccións anticipadas en 2008

O presidente de Bolivia amosou este venres a súa intención de convocar en 2008 eleccións xerais logo de que se aprobe a nova Constitución.

Redacción - 11:00 17/03/2007
Morales foi nomeado presidente en xaneiro de 2006

Morales foi nomeado presidente en xaneiro de 2006

"Si, eu teño pouco tempo, porque pedímoslle á Asemblea Constituínte que remate este ano. Que acabe este ano e ao seguinte (2008) ten que haber novas eleccións para que haxa novo presidente” anunciou Morales este venres nun discurso celebrado na provincia de Santa Cruz.

O actual presidente tomou posesión do seu cargo o pasado 22 de xaneiro de 2006 logo de gañar as eleccións co 54 por cento dos votos. O 6 de agosto instaurou unha Asemblea Constituinte co obxectivo de redactar unha nova Constitución Política do Estado Boliviano. Está previsto que a asemblea remate a súa labor un ano despois da súa creación, aínda que a aprobación do novo texto podería demorarse até finais de 2007, xa que aínda hai numerosos temas pendentes.

Segundo recolle a prensa local, Morales asegurou no seu discurso que se lle acaba o tempo de gobernar e anunciou que tentará aproveitar cada momento da súa xestión para servir ao pobo.


3.75/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: