Vieiros

Os irlandeses espallados por todo o mundo celebran este 17 de marzo a festividade do seu patrón San Patricio. Fóra de Irlanda, é sen dúbida en Nova York onde os festexos son máis multitudinarios. A cidade dos rañaceos organiza todos os anos por esta data un gran desfile por unha Quinta Avenida que se tingue de verde para a ocasión.

Precisamente na cidade estadounidense atópase unha representación da Agrupación Folclórica Colexiata do Sar de Santiago. Durante esta semana a agrupación está a realizar varias actuacións nos centros galegos de Nova York así como diversas actividades relacionadas co folclore da nosa terra.

Os obradoiros de bailes, gaita e pandeiretas acompañaran o cociñeiro Rafael Triñanes. O chef participará xunto coa agrupación na parada de San Patricio en Nova Jersey, localidade veciña da gran mazá e un nucleos de residentes galegos máis importanes dos Estados Unidos.