Vieiros

Malia que os seus resultados sobre o terreo os situaban entre os elixidos para participar na máxima competición da modalidade, os dous galegos quedan sen viaxar até Mombasa. Todo é debido ao criterio de selección da Federación Española de Atletismo, que considera que outros corredores con peores rexistros no Estatal teñen máis opcións de medalla.

Malia que o santiagués Xesús de la Fuente foi oitavo no campionato de España, o técnico Luis Miguel Landa elixiu para a cita mundialista a Penti Jiménez e José Ríos, con peores resultados. En declaracións a La Voz de Galicia, o atleta di que “eles o perden. Isto o único que me da son forzas para amosarlles que están equivocados”.

Pola súa parte, Sandra Aguilar tampouco viaxará até Quénia, e iso que o seleccionador deixou unha vacante no equipo. A luguesa participou nos últimos seis mundiais e incluso quedou a un posto dos metais na cita de Cáceres.