Vieiros

O noso país é das comunidades con menor salario medio do Estado: no 2006 o INE situaba en 1.497 € a media dos ingresos salariais galegos, co que só quedan por baixo as cifras das Illas Canarias (1.395), Estremadura (1.410) e Murcia (1.478). Na cabeza están Cataluña, Euscadi e Madrid, con salarios próximos ou que sobrepasan os 2.000 €, segundo fontes do INE. A media do Estado supéranos en case 300 €.

Mais en canto a evolución con respecto ao 2000, cabe salientar que os salarios galegos medraron un 20,73 %, próximo ao 21,38 da media estatal: daquela, a media xiraba en torno a 1.240 €. O medre máis espectacular vivírono as Illas Baleares, nun 29,76 % nestes seis anos, seguidos de preto por Murcia (que, con todo, segue a ter os salarios máis baixos): esta subiu nun 27,09 %. No outro extremo, as outras illas, as Canarias, son nas que menos aumentaron os que xa en por si son os salarios máis baixos: dos 1.211 € do 2000 até os 1.395 de hoxe, a evolución foi dun 15.19 %.