Vieiros

Vieiros de meu Perfil


Fwwwrando

RSS de Fwwwrando
Na Coruña

O primeiro hospital "solar"

Oito paneis solares quentan toda a auga usada diariamente polo Centro Oncolóxico de Galicia.

Redacción - 11:50 23/03/2007

O sistema xa se comezou a aplicar noutras instalacións sanitarias do resto do Estado, pero é a primeira vez que se fai en Galiza.

A pé do Centro Oncolóxico de Galicia, Fundación Xosé Antón Quiroga y Piñeyro, un total de oito paneis termodinámicos cobren o requirimento enerxético do edificio. Segundo explica o xerente do centro, Fernando Cachafeiro, o proxecto supuxo o gasto de 24 mil euros, investimento que garante de agora en diante o quecemento do 100% da auga que precisa a actividade do centro hospitalario.

O equipo técnico, instalado pola empresa coruñesa Solar PST, garante o subministro durante as 24 horas mesmo en días nubrados, xa que as placas termodinámicas instaladas absorben a temperatura ambiente ao longo do día, transmitíndoa directamente a un acumulador térmico. Calcúlase ademais que esta pequecha aposta polas enerxías renovábeis contribuirá a reducir o equivalente a unha emisión de CO2 de até oito toneladas. A nivel estatal só outro hospital sevillano desenvolvera un proxecto similar.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: