Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Allos, auga bendita, patas de coello...

O Celta alíase coas meigas para evitar o descenso

A directiva celeste quere espantar a mala fortuna que persigue ao equipo nos seus encontros en Balaídos.

Redacción - 11:30 23/03/2007
O Celta só gañou un encontro en Balaídos nesta tempada

O Celta só gañou un encontro en Balaídos nesta tempada

O Celta de Vigo é de lonxe o peor equipo da primeira división no seu propio terreo de xogo. No que vai de tempada só gañou un dos trece partidos disputados en Balaídos. Un pobre rexistro co que a directiva quere rematar, sexa do xeito que sexa.

Así, desde esta semana os abonados que o desexen poden deixar en deposito nas oficinas do club os seus amuletos co obxectivo de cortar a mala traxectoria no próximo encontro de liga ante o Real Madrid. “Allos, auga bendita, unha pata de coello, o coello enteiro..” piden desde a web do conxunto vigués.

Entre os depositarios sortearase un viaxe co equipo no seu desprazamento a Huelva para a seguinte xornada.

Creación da Celtipedia


Outra iniciativa curiosa relacionada co club celeste é a creación da Celtipedia, unha enciclopedia online dedicada ao Celta de Vigo. Trátase dun proxecto que nace desde unha das webs non oficiais do conxunto máis seguidas, Celestes.org.

A Celtipedia está realizada con tecnoloxía wiki, polo que calquera pode modificar e mellorar os artigos e crear outros novos.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: