Vieiros

Vieiros de meu Perfil


Edición xeral

RSS de Edición xeral
O Pontiac Trans Am custa 150.000 dólares

Véndese coche fantástico

Unha empresa dos Estados Unidos ofrece o vehículo máis famoso da televisión dos anos 80.

Redacción - 12:01 04/04/2007
Réplica do Knight Industries Two Thousand (KITT)

Réplica do Knight Industries Two Thousand (KITT)

Unha empresa de Dublín (California) puxo á venda un dos catro Pontiac Trans Am que encarnaron o famoso automóbil KITT, da serie Knight Rider, traducida no Estado como El coche fantástico, en Portugal como O justiceiro e no Brasil como A super máquina.

Aínda que este coche non é tan fantástico como o da ficción, porque nin fala, nin voa, nin dispara, nin corre a 480 quilómetros por hora, custa 149.995 dólares. Por ese prezo, o comprador poderase sentir como Michael Knight, o personaxe que interpretara David Hasselhoff na mítica serie paradigmática da estética dos anos oitenta.

Malia todo isto, o marabilloso carro está equipado con dous monitores de televisión e con todos os botóns coas súas funcións especiais, aínda que ao premelos só se iluminan, máis nada. Tamén ten a inconfundíbel luz frontal vermella que se move e funga dun xeito característico.

O modelo de 1982 non pode circular polas estradas ao carecer de catalizador e doutros elementos obrigatorios, pero queda moi aparente para unha colección particular ou para un museo. O seu dono, Tim Russo, cliente da empresa de venda de automóbiles Kassabian, pensou que é o momento de poñelo á venda, agora que se cumpren 25 anos da estrea da serie. Mercárao hai dez anos nunha poxa en San Diego, e dende aquela estivo procurando pezas de recambio para restauralo.

Así comezaban os episodios na versión brasileira da serie:


Ligazóns

5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: