Churrascada pola Lingua (estufada)
"Con motivo da véspera do 17 de maio, e porque si e nos peta e nos dá a gana, autoconvocámonos a unha Gran Churrascada pola Lingua (estufada), para reivindicar unha maior presenza do espírito lúdico festivo no proceso de normalización".
O albaroque será o 16 de maio
A "Xente da Lingua", segundo se autodenominan, autoconvócanse e convocan a todo aquel que se sinta parte deste colectivo ao Albaroque da Lingua 2007, unha grande churrascada colectiva con motivo do Día das Letras, e "para reivindicar unha maior presenza do espírito lúdico festivo no proceso de normalización, dramático de seu mais non tanto como para impedirnos un gran momento de encontro e catarse colectiva", segundo sinalan.
"A xente da lingua –o ghallegho, o galego, o galego-portugués e, claro que si, o portugués– autoconvidámonos a unha xuntanza de confraternización", manifestan no blog creado para a ocasión.
"Diferentes sorpresas"
Será o día 16 de maio no Fogar do Santiso, en Luou, preto de Compostela. Haberá buses de ida e volta desde o aparcadoiro do Auditorio de Galicia. O prezo é de 25 euros, e inclúe a cea, o transporte e "diferentes sorpresas", como un espectáculo ao vivo "inesquecíbel".
A data límite para se anotar é o 29 de abril. O menú está composto de entrantes, patacas, ensalada, bebida, café, licores e, por suposto, churrasco.
Máis información no blog Albaroque da Lingua.
Comentarios (3)
Paréceme un disparate que o día das Letras galegas sexa día de festa, habendo festas moito máis populares que non son días de festa como: San Xoan, San Pedro, O día do Carme, San Xosé, O Entroido... Ata sería mellor para as Letras que non fose festa, tanto no ensino como pra os libreiros, que poderían celebralo de forma máis testimonial.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto