Vieiros

Vieiros de meu Perfil


Edición xeral

RSS de Edición xeral
Aproveitando a súa visita a Bos Aires

Asociacións arxentinas piden que Fraga declare en relación aos crimes da Triple A

A solicitude de organismos de defensa dos dereitos humanos realizouse nunha das causas polas que está procesada a ex presidenta Isabel Perón.

Redacción - 11:26 18/04/2007
O ex gardacostas persoal de Fraga Iribarne, Rodolfo Almirón

O ex gardacostas persoal de Fraga Iribarne, Rodolfo Almirón

Dúas asociacións de defensa dos dereitos humanos pediron esta terza que o ex presidente do Goberno Manuel Fraga Iribarne sexa citado a declarar na causa que investiga a actuación do grupo terrorista Triple A (Alianza Anticomunista Arxentina), e pola que está procesada a ex presidenta arxentina Isabel Martínez de Perón.

Trátase da Asociación de ex Detidos Desaparecidos e o Centro de Profesionais polos Dereitos Humanos, agrupacións encabezadas por Guillermo Loruso e Myriam Bregman, respectivamente.

Mediante unha presentación efectuada ante o xuíz federal Norberto Oyarbide, os solicitantes advertiron de que "por diversos medios periodísticos" tiveron coñecemento de que "o político español estaría na Arxentina".

Acto proselitista do domingo
Así, llo confirmaron ao diario La Nación fontes do xulgado, que precisaron que o maxistrado está a analizar a solicitude para decidir se a acepta e, finalmente, cita a Fraga Iribarne.

No escrito indícase puntualmente que, de acordo a esas informacións, Manuel Fraga Iribarne "estivo o domingo nun acto proselitista realizado no Teatro Avenida desta Cidade (en referencia a Bos Aires)".

Ademais, cualificaron de "pública e notoria" a vinculación entre o ex presidente do Goberno e o imputado Rodolfo Almirón, quen foi o seu "gardacostas persoal" dende 1980 "até chegar a ser o xefe de seguridade do líder de Alianza Popular".

Importante declaración
"Sería de gran importancia para o desenvolvemento desta investigación a citación a declarar de Fraga Iribarne", afirmaron os denunciantes.

A Triple A foi unha organización parapolicial encabezada polo falecido ministro de Benestar Social, José López Rega, que se dedicaba a perseguir militantes de esquerda durante os enfrontamentos do Partido Justicialista.


4,25/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: