Edición xeral
As autoridades portuguesas desaconsellan a planta de Pescanova
A multinacional ten un prazo de quince días para modificar a memoria do proxecto.
Dunas de Mira, onde Pescanova pretende construír a planta / Foto: António Campos
O proxecto de instalación dunha planta de acuicultura de Pescanova a Portugal corre perigo de ir a pique. O pulso que mantivo a multinacional galega co Goberno tras a paralización da piscifactoría de Touriñán ameazando con trasladar os supostos beneficios da fábrica ao país veciño parece que quedou en auga de fregar.
Segundo unha fonte ligada ao proxecto, que cita o Jornal de Notícias, existen irregularidades no estudo de impacto ambiental, condición imprescindíbel para que poida saír adiante a planta de Mira. En previsión de que a iniciativa non ía ter un bo remate, Pescanova xa pedira a suspensión do proceso. A empresa convidou varios membros da comisión á planta de Xove, para amosarlles as “boas prácticas” que seguen e Galiza e persuadilos de aprobar o estudo.
As informacións revelan que que o estudo non pasou o primeiro criterio de avaliación, por problemas na captación e devolución da auga do mar. A empresa ten 15 días para modificar a memoria descritiva do proxecto. En caso contrario, non poderá saír adiante. O estudo ten como data límite finais de maio.
Satisfacción dos ecoloxistas
A asociación ecoloxista Adega amosou a súa conformidade coa previsíbel decisión das autoridades ambientais portuguesas. O veto demostra que non se pode destruír unha zona protexida escudándose “nun suposto interese público, que en realidade é un beneficio para uns poucos e prexuízos para a sociedade”.
Tamén explicou que este é un xeito de actuar habitual entre as empresas: enviar globos sonda como o suposto traslado de postos de traballo a Portugal. Malia isto, Adega teme que agora Pescanova tente levar a súa planta a outro país onde as leis ambientais sexan máis permisivas.
A piscifactoría de Pescanova, prevista nun principio para un espazo protexido da Rede Natura 2000 en Touriñán, fora paralizada pola Xunta. Despois duns meses de tensión entre o Goberno e a empresa, durante os que se lle propuxeran emprazamentos alternativos, a multinacional decidira trasladar o proxecto a Portugal, a outra zona igualmente protexida, en Mira, confiando nunha suposta maior permisividade das autoridades lusas. Pero, finalmente, non vai ser así.
Novas relacionadas
- O goberno portugués exclúe do réxime forestal os terreos onde Pescanova quere construír
- A prensa portuguesa asegura que o goberno español presiona a Pescanova
- A UE apoia a decisión da Xunta de prohibir a planta de Pescanova en Touriñán
- O goberno portugués fai cambios legais para darlle até 45 millóns a Pescanova
- Feijoo reúnese co presidente de Pescanova e pídenlle xuntos ao goberno que ceda con Touriñán
- Pescanova presiona á Xunta ameazando con renunciar ás novas factorías
- O caso Pescanova: Paradigma da presión para frear o desenvolvemento sustentábel
- Os ecoloxistas lusos confían en tombar o proxecto de Pescanova en Mira
- A piscifactoría que Pescanova proxecta en Portugal tamén afecta a un espazo da Rede Natura
- ADEGA rexeita o proxecto de Pescanova para construir a piscifatoría máis grande do mundo en Portugal, sobre hábitats prioritarios
Comentarios (11)
Os portugueses van quedar coa piscifactoría e Touriño e Quintana van quedar mirando un para o outro con cara de tontos. Non eran os "progres" os que miraban polo ben de Galicia. Este goberno é de risa ...
Perdón, onde dixen Touriño e Quintana quixen dicir Pepiño Blanco e Antón Losada ...
Xanciño... seica tés familia en Pescanova?!?!?!?!
Ninguén que protexa a súa terra vai permitir que estes segan a esnaquiza-la natureza, chámese Galicia, Portugal...
Si, chou, si. É mellor non ter onde traballar e ter que emigrar coma min. Seguro que ti es un funcionario da época de Felipe González que vive como Dios ... así dá gusto defender a naturaleza.
:) gústame a xente coma ti xanciño.
Falar dos demáis sen saberen...
Pode que eu estea un pouquiño máis lonxe ca ti da Galicia... E iso de que non hai onde traballar...
O que quere, pode.
Un saúdo
Acho que a decisom de trasladar a fábrica a Portugal, insistindo no mesmo desrespeito polas questões ambientais revela uma mentalidade medíocre. É o mesmo que dizer: "Aqui nom deixam por causa do ambiente? Vamos alá, onde nom se procupam com tal!". Deu no que deu...
Outro estrago ao patrimonio de todos para beneficio duns poucos é o proxecto de urbanización nos montes de Pinzás en Tomiño que denunciou a web inforosal.com e que tamén se ten recollidos en Vieiros.
Construír oito centos chalés e un campo de golf e acabar cun vizoso monte. E o beneficio para os veciños 6 euros por metro, un chalé para usos sociais e pouco máis. Pan para hoxe e fame para mañá.
A pretensión de Pescanova é a mesma, que a sociedade lles regale a costa ou o territorio para que eles tiren o seu beneficio e en troques ofrecen catro postos de traballo. Como ben di ADEGA queren facer pasar o interese particular por interese público. As costas e o territorio en xeral son recursos naturais non renovábeis cos que hai que ter moito coidado e que cómpre non estragar e deixar en herdanza ás xeracións vindeiras.
À fim resultou que os portugueses nom eram tam parvos como criam os que agora mandam em Pescanova!
Aledome pola nova, e espero que todolos paises teñan unha visión de futuro e non permitan que moitas empresas co engado de promesas as mais veces falsas destruan o patrimonio de todos para satisfacer exclusivamente os seus intereses economicos; xa está ben que aproveitandose das necesidades da poboación en materia laboral, estas empresas sen escrupulos so queiran impor os seus criterios, por desgracia moitas veces avaladas por politicos que antepoñen os seus propios intereses os da poboación a que din servir.
Que dirá agora La Voz de Galicia que acusaba a Xunta por non someterse o capricho duns caciques?. Non se pode permitir o abuso e a destrucción da natureza por moito traballo que che den. E mellor non ter traballo que traballar de criminal ainda que para algúns semella que non. O mellor en Marrocos lle deixan a Pescanova poñer as suas fábricas é contaminar o que queran. Peor para eles.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto