Edición xeral
Educación consegue un preacordo sobre o calendario escolar
Todos os sindicatos excepto a CIG asinaron a proposta da consellería, que permitirá agrupar as cinco horas lectivas de xuño e setembro en horario de mañá.
Piñón, cos representantes sindicais na xuntanza deste sábado
A conselleira de Educación e Ordenación Universitaria, Laura Sánchez Piñón, e os representantes das organizacións sindicais CC.OO., FETE-UGT, ANPE, CSI-CSIF e STEG asinaron este sábado un preacordo sobre a aplicación do calendario escolar para o curso 2007/08.
Segundo o documento asinado, os centros educativos galegos poderán solicitar unha modificación da xornada escolar nos meses de setembro de 2007 e xuño de 2008 co fin de agrupar as cinco horas de xornada lectiva diaria no horario de mañá.
A petición de modificación de xornada terá que ser realizada pola dirección do centro, previo acordo do Consello Escolar. A solicitude deberá incluír ademais a indicación do horario escolar que se desenvolverá durante os meses de setembro de 2007 e xuño de 2008, cunha xornada, con carácter xeral, de cinco horas diarias; así como unha indicación expresa do horario de funcionamento do servizo de comedor escolar.
A convocatoria de Educación non contou coa presenza dos representantes de CIG-Ensino, por considerar “insuficiente” a proposta xa que a consellería “non se compromete a xeralizar a xornada continuada”.
Comentarios (5)
Por moito que algún se empeñe, para ese tramo de idade a educación sentese como gardeiria, os critérios pedagoxicos non se atopan por negures.
Como é posible que un sindicato que convocou folga para o día 3 conxuntamente coa CIG (STEG) desconvoque agora sen informar á CIG?
Moito diálogo/desprezo da Consellería(psoé) ca ensalada sindical e pasando do sindicato máis representativo dos ensinantes.
Xoca: A escola toda ela é cada vez máis unha garderia para todos os tramos de idade, a este ritmo axiña o será a universidade.
Non será que o "sindicato máis representativo dos ensinantes" pasa dos demais? Bon, do STEG non pasa que o ten seguido na boca...
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto