Vieiros

Vieiros de meu Perfil


Edición xeral

RSS de Edición xeral
Convoca ao sector dos medios para o 1 de maio

O sindicato de xornalistas denuncia o "teito de cristal" para as mulleres

Son maioría nas aulas, pero non nos postos directivos. As mulleres non chegan ao 3% dos postos mellor pagados nos xornais galegos.

Redacción - 18:17 01/05/2007

O Sindicato de Xornalistas de Galicia denunciou a existencia do “teito de cristal” tamén no sector dos medios de comunicación: as mulleres representan o 60% do persoal de redaccións dos xornais galegos, pero só o 2,9% ocupan os postos directivos, mentres que no chanzo inferior, na categoría de redactores xefes, as mulleres representan só o 21%, malia chegaren ao 30% entre xefes de área, de sección e delegados.

Logo de comprobaren os dezaseis staffs dos xornais galegos e contrastar a situación coa que se dá nas aulas (onde as mulleres son maioría), o SXG afirma que existe unha “evidente discriminación”: o 72% do alumnado da Facultade de Ciencias da Comunicación de Compostela é feminino, no curso 2006-2007, e nas Facultades da Coruña e de Pontevedra a proporción de mulleres achégase tamén ao 70%.

Por outra banda, o sindicato aproveita o 1 de maio para chamar á resolución de problemas como os horarios e contratos abusivos, as prácticas, os baixos salarios ou a regulación dos dereitos de autor.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: