Vieiros

"Isto é unha gravísima agresión ao dereito á privacidade e intimidade que contravén a propia lexislación europea e española en materia de protección de datos de carácter persoal e o dereitos dos cidadáns a coñeceren que datos se recollen nesas listas e con que obxectivo". Alén desta denuncia, a Asociación Europea de Avogados Demócratas, AED, con sede en Alemaña, tamén advirten que o feito é aínda máis grave por implicar a vulneración do dereito a ser escollido nunhas eleccións democráticas, impedíndolle a milleiros de persoas "concurrir libremente ás eleccións".

O coelctivo europeo de avogados solicita así que o goberno español "recoñeza a existencia deses ficheiros" e lle informe aos cidadáns que están neles; insta a que se recoñeza a propia ilegalidade da súa existencia e se supriman os seus efectos e fan un chamamento para que se adopten as medidas necesarias para que as eleccións municipais conten "coa presenza de todas as forzas políticas". Por último, propoñen que o executivo estatal abra o proceso para derrogar a lei de partidos, "que se encontra na base deste procedemento e que organismos internacionais xa censuraron en varias ocasións".