Vieiros

Vieiros de meu Perfil


Edición xeral

RSS de Edición xeral
Indignación en Cuba

Retirados os cargos contra Posada Carriles nos EUA

O tribunal que o vindeiro venres o ía xulgar por delitos de inmigración ilegal considera que o goberno estadounidense "enganou" ao acusado durante o proceso.

Redacción - 11:47 09/05/2007
Antiga fotografía de Luis Posada Carriles

Antiga fotografía de Luis Posada Carriles

Un tribunal federal dos EUA, en El Paso (Texas), desestimou os cargos por delitos de inmigración contra o terrorista Luis Posada Carriles, porque, segundo a xuíza instrutora, o goberno estadounidense cometeu un "fraude", e "enganou" e "mentiu" durante na tramitación do caso.

Porén, segundo informou o voceiro do Departamento de Xustiza dos EUA, Dean Boyd, estase a revisar a decisión.

"Son libre", declarou Posada Carriles nunha canle de radio de Miami tras coñecer a decisión, segundo informa a axencia de noticias AFP. "Grazas a Deus, a vós, meus irmáns, ao pobo de Cuba... por esta vitoria" dixo.

Reacción do goberno cubano

"Esta medida é un crime contra os cubanos e os países que perderon aos seus fillos e fillas no atroz atentado de 1976 que derrubou un avión de pasaxeiros da compañía Cubana de Aviación sobre as costas de Barbados", manifestou o goberno de Cuba mediante un comunicado.

A Habana acusa os EUA de aplicar un unha dobre vara de medir na súa 'guerra contra o terror'. "A liberación do terrorista é unha decisión da Casa Branca, como compensación para que Posada Carriles non revele o que sabe, non fale da infinidade de segredos que coñece desde a súa colaboración como axente da CIA", sinalan na declaración oficial.

Posada Carriles permanecía en liberdade baixo fianza de 350.000 dólares (uns 260.000 euros) á espera do xuízo que estaba previsto para o vindeiro venres, por mentir na súa solicitude da nacionalidade estadounidense. Tras a liberación de Posada, o 19 de abril, o pobo cubano realizou numerosas mobilizacións de protesta por todo o país.


Ligazóns

0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: