Vieiros

Miss D, a adolescente irlandesa embarazada cun neno que sufre anencefalía e que non sobrevivirá unha vez nacido, ten dereito a viaxar ao Reino Unido para abortar, segundo o Tribunal Superior de Irlanda.

A moza, que se atopaba baixo a custodia dos servizos sociais irlandeses, emprendera una batalla legal contra o HSE (o servizo sanitario irlandés, do que dependen os servizos sociais). O HSE tiña contactado a policía e a oficina de pasaportes, para evitar que Miss D viaxara ao extranxeiro para abortar.

O xuíz Liam McKechnie do Tribunal Superior concluíu que non existía impedimento legal ou constitucional polo que Miss D non poida abandonar Irlanda e que ninguén pode privar a moza do seu dereito a viaxar.

O caso reabre o debate do aborto na illa as portas das eleccións xerais.