Vieiros

Vieiros de meu Perfil


Galego.org

Xestionado por Vieiros
RSS de Galego.org
Apoiarán a investidura de Alex Salmond

O SNP e os Verdes asinan un acordo en Escocia

Os independentistas e os verdes traballarán xuntos no Parlamento, aínda que isto non significa un goberno de coalición.

Redacción - 14:26 11/05/2007
Robin Harper, dos 'verdes', e Alex Salmond

Robin Harper, dos 'verdes', e Alex Salmond

O partido nacionalista escocés, o SNP, gañador das eleccións ao parlamento, acaba asinou este venres un acordo de traballo co partido Verde que lle permitirá contar co apoio destes para as súas propostas en Holyrood e co voto favorábel a investidura de Alex Salmond como primeiro ministro.

En contrapartida, o SNP impulsará unha lei sobre o cambio climático como primeira medida de goberno, así como tamén designará un ministro de Ambiente verde para o seu gabinete.

Coalición de goberno

Porén, o acordo non implica un executivo de coalición; o SNP contará co apoio dos verdes, mais gobernará, polo momento, só en minoría. Así, por exemplo, os segundos non están na obriga de votar a favor de Salmond nunha hipotética moción de confianza, nin tampouco darlle o visto bo aos orzamentos anuais.

No entanto, o partido Verde consideraría asinar un pacto formal se, finalmente, os liberal-demócratas optan por aceptar formar parte do goberno nacionalista.

Máis información en BBC News e The Scotsman.


4.67/5 (9 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: