Vieiros

"Para crear emprego, acceder a vivendas asequíbeis, respectar o medio ambiente, paga a pena votar", quixo transmitirlles o secretario xeral do PsdeG aos asistentes do acto deste sábado en Ferrol, onde defendeu que o seu partido traballa "para que os mozos mellor formados de Galiza non só non teñan que marchar da nosa terra por falta de oportunidades, senón que os que marcharon poidan volver a unha Galiza que avanza".

Touriño definiu que "foron os mozos e mozas o motor do cambio en Galiza" e chamou á mocidade a seren "o motor do cambio nos concellos". "Votade para que ninguén decida por vós, para ser donos da vosa vida, tedes que ser donos do voso voto”, afirmou.

Por outra parte prometeu que o proxecto dos socialistas para Ferrol conseguirá que "volva ser unha cidade innovadora, de referencia en Galiza". Ao fío, destacou a segunda fase do porto exterior e do plan da Xunta para a "diversificación industrial" de Ferrolterra. "Esta cidade está ás portas do cambio", prognosticou.