Vieiros

"Necesitamos Vigo", insistiu Emilio Pérez Touriño no seu mitin na cidade olívica. O secretario xeral do PSdeG advertiu de que Galiza "xógase moito en Vigo" e afirmou que nesta campaña se vai escoller entre unha cidade "de dereitas, ou de dereitos", na que "manden menos os poderosos e máis os cidadáns".

Touriño referiuse a Vigo como "unha cidade de esquerdas" asegurando que representa "mellor que ningunha" en Galiza o "afán de progreso gañas de emprender". O líder dos socialistas galegos solicitou o apoio dos vigueses para optaren por un proxecto que non use Vigo para "confrontar coa Xunta" e avalen un goberno local que "traballe en positivo e reme na mesma dirección". "Este potente fórmula 1 tén para competir o mellor circuíto e necesita un bo piloto, un que naza para chegar á vitoria o día 27, e é Abel Caballero", dixo sobre o candidato á alcaldía, ao que definiu coma "o noso Fernando Alonso de Galiza".