Edición xeral
A CIG oponse ao acordo do ensino concertado por considerar que non resolve nada
Asegura que o texto nin recupera a xornada matinal para xuño e setembro nin acada a homologación que solicitaba o profesorado.
Anxo Louzao, secretario nacional de CIG-Ensino
CIG-Ensino amosou a súa oposición ao acordo acadado entre a Consellería de Educación, as patronais e os sindicatos FETE-UGT, FSIE, CC.OO e USO para o ensino concertado. Segundo a organización sindical, o texto do acordo é practicamente o mesmo que provocou as mobilizacións e as folgas, pois mantén a xornada completa en xuño e en setembro e non menciona a homologación.
Para CIG-Ensino, o único cambio do acordo é dotar á Comisión Tripartita da potestade de fixar prazos e calendarios para as reivindicacións pendentes, o que ven negativo, pois deixaría nas mans da patronal a posibilidade de condicionar a política educativa.
Tamén ven negativo que quedasen excluídos das últimas reunións e convocatorias, rompendo a plataforma conxunta formada por todas as organizacións. O sindicato conclúe que se aproveitaron as demandas lexítimas do persoal para introducir outras que incrementan os concertos.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto