Vieiros

É o explorador termal freático profundo, tamén coñecido como 'Clementine'. Actualmente, científicos da Nasa mergúllano en augas profundas en cenotes de O Zacatón, (os científicos cren que O Zacatón é o foso máis profundo do mundo e cunhas condicións similares ás que se pode atopar o robot cando vaia ao espacio) en México.

Trátase dunha exploración da cal a axencia espacial estadounidense sacará leccións para o estudo dun satélite de Xúpiter. Con 1.5 toneladas de peso, 50 sensores e instrumentos para colleitar mostras, a Nasa así dá os seus primeiros pasos tecnolóxicos, encamiñados a proxectar en 20 anos unha misión á lúa Europa de Xúpiter, en cuxos mares se cre que pode haber formas de vida.

Para o 2008, a Nasa someterá este robot a inmersións máis cobizosas na Antártica, onde ademais deberá perforar grosas capas de xeo, cun ambiente que os científicos da Nasa consideran máis parecido ao do satélite xupiteriano Europa.

Os científicos cren que, como no lago antártico, en Europa podería haber auga atrapada baixo unha gran capa de xeo, de máis de nove quilómetros de grosor.