Vieiros

Vieiros de meu Perfil


Edición xeral

RSS de Edición xeral
O caso pode rematar no xulgado

Unha veciña de Barro denuncia unha obra municipal ilegal

Patricia Eirín di que unha ponte sobre o rego Areal que non figura no plano urbanístico ameaza unha parcela da súa propiedade.

Redacción - 18:54 24/05/2007
Encofrado do segundo piar da ponte (17 de maio)

Encofrado do segundo piar da ponte (17 de maio)

Unha veciña de Barro, Patricia Eirín, denuncia a existencia dunha construción municipal ilegal en San Antoniño. A actuación, unha ponte no rego Areal, preto do tanatorio, carece de licitación e de exposición pública e non figura no planeamento urbanístico, segundo asegura a cidadá.

Eirín asegura que a obra, que comezou a finais do ano pasado, estase a acelerar nos últimos tempos, coa proximidade das eleccións municipais. Tanto é así que o segundo piar da estrutura completouse en só tres semanas, afirma.

A veciña di que a obra, para se completar, ten que pasar por unha finca da súa propiedade na que pensa construír unha vivenda, da que xa dispón de licenza municipal. A afectada afirma que unha parte dos propietarios dos terreos por onde pasa a ponte comparten intereses co alcalde, mentres que outros sufriron ameazas. Ela mesma di que xa a advertiron da posíbel revogación da licenza de obra na súa parcela.

Asegura que a obra continuaba a súa marcha a mañá do xoves, e que o único xeito de resolver o caso será levalo aos xulgados. Eirín xa presentou denuncias perante diferentes organismos, entre eles o Seprona, as consellarías de Medio Rural, de Medio Ambiente e de Política Territorial e mais a Policía Autonómica. Segundo a muller, a intervención é un capricho do alcalde de Barro e deputado provincial Xosé Antonio Landín.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: