Vieiros

Vieiros de meu Perfil


Edición xeral

RSS de Edición xeral
Eleccións en Irlanda

O Sinn Féin pide ser considerado como socio posíbel

"Tamén Paisley dixo que nunca gobernaría con nós", comentou Gerry Adams, líder do único partido con representación en toda a illa irlandesa.

Redacción - 08:00 25/05/2007

O Sinn Féin ten escasa representación no Parlamento irlandés, apenas cinco escanos, aínda que para estes comicios agarda un pequeno aínda que significativo incremento co que espera dobrar o número de asentos.

Nas primeiras eleccións sen a existencia do IRA, os líderes da formación prognostican un bo futuro para o Sinn Féin, ao que o resto de partidos aseguran descartar coma potencial socio atribuíndolles unha posición ideolóxica "demasiado á esquerda". "Han de vir co rabo entre as pernas pedíndonos o apoio", declarou desde o Úlster Martin McGuinnes, quen vén de asinar o pacto de goberno en Belfast.

Os comicios deste xoves remataron cun lixeiro incremento de participación, do 62 ao 65%, e o complexo sistema de votación fará que non se coñezan resultados até o sábado. Espérase que as maiorías de goberno sexan formadas por axustadas marxes e o favorito nos prognósticos para liderar o novo executivo é o actual primeiro ministro, Bertie Ahern, quen á fronte do Fianna Fáil opta ao seu terceiro mandato consecutivo.


5/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: