Vieiros

A Consellaría de Cultura convoca axudas para a conservación e a restauración dos bens etnográficos. A Dirección Xeral de Patrimonio achegará 300.000 euros co obxectivo de concienciar a sociedade sobre o patrimonio.

Os propietarios de bens inmóbeis inventariados dispoñen dende este sábado dun prazo para a presentación de solicitudes, que rematará o 11 e xullo. As axudas distinguen entre obras de mantemento, cuns 3.000 euros como máximo, e as de restauración, cun tope de 10.000 euros.

Cultura tamén emprenderá unha política de tolerancia cero coas agresións ao patrimonio do país e unha campaña de concienciación social, que levará como lema “Mira por el”. O programa desenvolverase a través dos medios de comunicación, dos concellos e dos centros educativos, para dar a coñecer o patrimonio e mais sensibilizar a poboación para que coide del.

Tamén se distribuirán folletos e carteis que informen sobre a lexislación vixente referida aos bens culturais. No referente á política de tolerancia cero ás agresións contra o patrimonio, Cultura aumentará as sancións e incrementará as investigacións neste aspecto.