Vieiros

Vestido co mesmo chándal co que se lle viu nestes meses en todas as imaxes difundidas, Fidel Castro pareceu máis espelido do que aparentara en ocasións anteriores e mantivo unha conversa de case unha hora que foi difundida no programa da televisión cubana Mesa Redonda.

É a primeira entrevista en dez meses convalecente e Castro insistiu en que a súa saúde non é agora "secreto de Estado" e que xa dixo "ben claro" cal era o seu estado actual. "Sempre hai ameazas á saúde do ser humano, e de por si os anos... existen perigos que axexan".

Da conversa non se intúe unha pronta volta de Fidel Castro a labores de goberno, e o propio líder comentou que entre as súas ocupacións próximas están a escrita dalgún outro artigo e reflexión sobre determinados temas. A maior parte do encontro televisivo adicouna a falar da recente xuntanz co secretario xeral do Partido Comunista de Vietnam, Nong Duc Manh.