Vieiros

E onde imos de festa a vindeira fin de semana? Esta pregunta, común entre os mozos nos veráns cheos de romarías , xa é máis doada de responder grazas a Consallería de Industria, que acaba de publicar na súa web un buscador de festas.

Este 'buscafestas' é quen de proporcionarnos o lugar, data e contacto de "festas, mostras, romarías, concertos, competicións, encontros, xogos e calquera outra manifestación lúdica e cultural" nos 315 concellos do país.

A San Roque acumúlanselle as festas
Como mostra da súa potencia abonda buscar as festividades que se organizan na honra do Apóstolo. Ata 72 celebracións aparecen a finais de xullo. Pero o patrón de Galiza non é o santo máis popular á hora de montar unha romaría. Por exemplo, na honra de San Roque o buscador atopa máis de 150 celebracións este verán.

O 'buscafestas' é unha iniciativa da Dirección Xeral de Turismo, que tamén se editou en formato papel e cd rom baixo o título "Verán de lecer".