Vieiros

Vieiros de meu Perfil


Edición xeral

RSS de Edición xeral
Declaracións do conselleiro de Industria

Técnicos independentes valorarán o impacto do AVE na mina de Serrabal

No caso de que se vexan afectados moitos postos de traballo, o presidente de Adif asegurou que o goberno español estudaría a posiblidade de modificar o trazado.

Redacción - 14:05 06/06/2007

Os técnicos terán a derradeira palabra sobre o grao de afección do trazado do AVE na mina de Serrabal. Así o afirmou o conselleiro de Innovación e Industria, Fernando Blanco, quen engadiu que todas as partes, o Goberno, o executivo español, os sindicatos e os traballadores, terán que asumir o seu informe.

Blanco amosouse satisfeito polo resultado da reunión que mantiveron o martes na Coruña o presidente do Adif, o delegado do goberno español, os conselleiros de Política Territorial, Industria e Traballo e os sindicatos CIG e UXT. Da xuntanza saíu o acordo de que serán técnicos independentes os que analicen o dano que causa o trazado do tren de alta velocidade aos empregos que dependen da explotación mineira.

O conselleiro tamén dixo que convén que as obras do AVE “comecen canto antes”, e que a súa execución “poida garantir os empregos e a actividade industrial” tanto da mina de Serrabal como das empresas de Ferroatlántica que dependen da súa extracción.

Esta mesma semana fixarase unha data para a reunión entre técnicos da Universidade de Oviedo -que consideran que a obra só lle afecta a un 10% da mina-, os que designe a consellaría e os que acheguen os sindicatos. No caso de que se demostre que o trazado pode destruír unha cantidade importante de empregos, o presidente de Adif, Antonio González Marín, asegurou que o goberno español estudaría unha modificación dos planos.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Traballadores afectados cortaron o tráfico durante a xuntanza / Foto: CIG
Traballadores afectados cortaron o tráfico durante a xuntanza / Foto: CIG