Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Acuatlón

Os mellores duatletas de Galiza compiten, pasados por auga, en Oleiros

No domingo a praia coruñesa de Bastiagueiro encherase de atletas mollados nunha cita que se está consolidando como imprescindible no calendario galego.

Redacción - 16:49 08/06/2007

O acuatlón, deporte cuxa base é a auga, consiste en percorrer primeiro unha distancia curta a correr, despois unha longa nadando e para terminar outra curta correndo outra vez. É unha disciplina ligada ao duatlón e ao triatlón, pero sen a distancia en bicicleta, algo complicada de facer na praia.

A carreira de Oleiros, o I Acuatlón Cidade da Coruña -que está organizada polo Clube de Duatlón Coruña coa colaboración do Concello de Oleiros e coa Federación Galega de Duatlón- comezará na praia de Bastiegueiro preto das dez da mañá, cun spring de 2 quilómetros e medio, seguida de 1 Qm. a nado para terminar con outros 2,5 Qm. de carreira. Os corredores van estar a primeira hora na praia, onde se realizarán os controis de material e participantes, e onde se estabelecerá a saída común.

Todos os que terminen a proba, con ou sen éxito, recibirán un agasallo pola súa participación e os dous corredores mellor clasificados de cada categoría recibirán un trofeo.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: