Vieiros

Non é que na Fonsagrada estean a pensar en inzar de eucaliptos a comarca (agardemos que non), senón que se podería dar a situación de que tomasen exemplo dos alemáns para vender máis botelos.

E é que, coa intención de aumentar as vendas das súas famosas salchichas na época estival, os carniceiros berlineses decidiron presentar no mercado unha nova liña de sabores exóticos para este embutido. Así, pódense atopar en calquera esquina as famosas Bratwurst con gusto a kiwi, a cereixas de maraschino, a limón ou, incluso, a aloe vera, segundo informa o diario Bild.

De trufa e de flores
Uwe Buenger, carniceiro de Berlín, desenvolveu unha salchicha "doce e picante" á vez, namentres que na competencia, a especialidade de Dankert é a "Kiwiwurst", que ademais do kiwi, inclúe piña e cereixas Tamén hai outras variedade moi coñecidas, tal como a "Truefflebratwurst", de trufa, adobiada con pementa branca e negra, a de xenxibre ou a de flores.

Se cadra, na Galiza, en troques de flores e xenxibre, callan mellor as castañas asadas e o licor café... mais acompañando ao botelo, non dentro del ... ou, quizais, tamén.