Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Flexibilización do veto

A FIFA aumenta até 2.800 metros a altura máxima para disputar partidos de fútbol

Polo momento, seguen a estar excluídas as cidades de La Paz, en Bolivia, e Cuzco, en Perú, ambas as dúas por riba dos 3.000.

Redacción - 12:30 15/06/2007

A Comisión Médica da Confederación Sudamericana de Fútbol, Conmebol, recomendou este xoves un período de adaptación para os partidos en cidades de altura, nunha xuntanza en que se coñeceu que a FIFA decidiu aumentar a 2.800 metros sobre o nivel do mar (300 máis) a altura máxima permitido para os seus partidos oficiais.

A nova resolución da FIFA exclúe á capital de Bolivia, La Paz, situada a máis de 3.500 metros sobre o nivel do mar, e á cidade peruana de Cuzco, a máis de 3.000 metros, para acoller partidos das eliminatorias sudamericanas do Mundial de fútbol de 2010.

Recomendación da Conmebol
Pola súa banda, a Conmebol presenta este venres unha recomendación que estabelece a posibilidade de xogar entre 3.000 e 4.000 metros de altitude "previa adaptación", afirmou Ivo Eterovic, médico da Federación Boliviana de Fútbol, FBF.

De calquera xeito, os países andinos da Conmebol (Bolivia, Ecuador, Colombia e Perú) deberán presentar ante a FIFA en outubro próximo un informe onde argumenten se se pode xogar en cidades situadas por riba dos 3.000 metros.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: