Vieiros

Nabeira08 é un proxecto que pretende mergullar os galegos e galegas na arqueoloxia, na economía, na arte e nos oficios do mar e da ribeira en Galiza, mediante a realización de diversas actividades, como exposicións de embarcacións tradicionais galegas, actividades no mar -navegación, visita a embarcacións tradicionais...- e actividades na terra -xogos, obradoiros mariñeiros...

O proxecto Nabeira08, ideado polas 38 asociacións que conforman a Federación Galega pola Cultura Marítima e Fluvial (FGCMF) e coa colaboración da Consellería de Cultura e Deporte, a través da Fundación Deporte Galego, foi creado respondendo á necesidade dinamizar e conservar a riqueza da cultura marítima e fluvial de Galiza. Un patrimonio histórico e cultural ligado á tradición galega, e nacido nos máis de 1.200 quilómetros de costa e centos de ríos cunha alta produtividade mariña que hai no país.

Despois do seu paso por Vigo, Cangas, Bueu e Pontevedra, Vilagarcía de Arousa e Monforte e Cambados, Nabeira ainda vai estar en Muros, A Coruña e Ferrol.

Para saber por ónde vai andar Nabeira08, podes consultar aquí.