Vieiros

Vieiros de meu Perfil


Vieiros do Mar

Edición xestionada por Vieiros
RSS de Vieiros do Mar
Brest 2008

Galiza vai estar presente no maior encontro europeo da cultura do mar

A Festa do Mar e dos Mariñeiros de Brest celébrase cada catro anos e a cita do 2008 reunirá na cidade bretona aos amadores do mar durante sete xornadas, do 11 e o 17 de xullo. Esta festa marítima celébrase dende 1992.

Redacción - 12:03 18/06/2007
Cartaz das xornadas do mar

Cartaz das xornadas do mar

O encontro de Brest é un acontecemento único onde se reúnen máis de 2.000 embarcacións tradicionais e clásicas, e milleiros de visitantes, sendo considerada unha das feiras marítimas máis importantes do mundo. Cada pobo que viaxa á capital da Bretaña, vai para amosar a riqueza e a diversidade da súa tradición e cultura ligada ao mar.

Todas os países e rexións marítimas de Europa teñen a súa representación en Brest, e Galiza vai o ano que vén de convidada de honra.

A Festa do Mar e dos Mariñeiros de Brest celébrase do 11 e o 17 de xullo de 2008. A xornada oficial de Galiza será o día 16 de xullo, e desenvolverase nunha serie da carpas, na chamada village galega, a carón do peirao no que se amarrarán as embarcacións do país. Van estar unhas vinte embarcacións tradicionais, que ademais han participar nos desfiles e nas mostras programadas.

Na village galega haberá exposicións, obradoiros, mostras... do patrimonio cultural galego vencellado ao mar e ás actividades de ribeira, ademais de actuacións en directo.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: