Vieiros

Vieiros de meu Perfil


Edición xeral

RSS de Edición xeral
Independencia

O 'lehendakari' Ibarretxe mantén a súa vontade de facer unha consulta popular

O presidente do goberno vasco afirma que en ningún caso aceptará que o futuro de Euskadi se decida en Madrid.

Redacción - 13:00 16/06/2007
Ibarretxe pediu respecto para a reforma do Estatuto aprobada en Vitoria

Ibarretxe pediu respecto para a reforma do Estatuto aprobada en Vitoria

O presidente do goberno de Euskadi, o 'lehendakari' Juan José Ibarretxe manifestou este venres a súa decisión de, "previa autorización" do Parlamento do país, convocar unha consulta democrática antes da fin desta lexislatura -na primavera de 2009- "porque son os vascos os que deben decidir que futuro queren" e "faga o que faga a ETA".

Ibarretxe asegurou que que en ningún caso aceptará que o futuro de Euskadi se decida en Madrid, e que chegado o momento, corresponderalle á cámara vasca esta responsabilidade. Neste senso sinalou que a consulta popular gozará de toda a "validez política", aínda que manifestou as súas reservas respecto ao aval xurídico co que puidese contar.

O presidente vasco realizou estas declaracións en resposta a unha interpelación do deputado do PP, Leopoldo Barreda. Ademais, solicitou respecto para o coñecido como 'Plan Ibarretxe', xa que esta reforma de Estatuto contou coa maioría absoluta do parlamento de Vitoria.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: