Vieiros

Vieiros de meu Perfil


Fwwwrando

RSS de Fwwwrando
Restricións legais

Usuarios protestan contra a pornocensura en Flickr

A web para compartir fotografías impídelles a todos os alemáns acceder a contidos 'para maiores de idade'.

Redacción - 10:55 19/06/2007
A imaxe da campaña

A imaxe da campaña

Usuarios da rede de todo o mundo puxeron en marcha unha campaña de protesta polas restricións que está a introducir a web de publicación de fotografías Flickr, propiedade de Yahoo. O servizo implantou filtros de contido aos usuarios de Alemaña que impiden a todos os internautas dese país acceder a imaxes non aptas para menores.

O filtro de 'procura segura' (safe search) pódese desactivar voluntariamente dende calquera lugar do mundo, agás Alemaña, Singapur, Hong Kong e Corea. Segundo Yahoo, o bloqueo introducido no país europeo é debido á “estrita lexislación e penas” que existen alí. Segundo o xigante da internet, non se trata de censura, e está a traballar na mellora dos filtros para cumprir coa lei alemá.

A lexislación xermana obrígalles ás páxinas web a comprobar a idade dos visitantes para poderlles amosar contido potencialmente “sensíbel”, como fotografías eróticas. A reacción dos usuarios foi inmediata. Xa existe un grupo no propio Flickr denominado Contra a censura coas imaxes que os alemáns non poden ver. Tamén está a circular unha imaxe coa mensaxe “Connosco non! Pensa, Flickr, pensa! Contra a censura!”, para que todos os usuarios a inclúan nos seus álbums.


3/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: