Vieiros

As cifras dan idea do desorbitado medre de construcións turísticas nas zonas costeiras do noso país. Segundo a consultora DBK, en Galiza rematáronse o ano pasado 7.100 inmóbeis turísticos: 3.500 na Coruña, 2.700 en Pontevedra e 900 en Lugo. O informe que analiza este tipo de construcións en toda a costa do norte do Estado conclúe que Galiza rematou máis vivendas turísticas en 2006 que todas as demais xuntas.

Os datos que ofrece DBK revelan que o prezo destes inmóbeis revalorizouse cada ano un 18%. Segundo o mesmo informe, agárdase que continúe esta tendencia nos próximos anos xa que “a zona norte ten unha menor saturación turística”