Vieiros

Vieiros de meu Perfil


Edición xeral

RSS de Edición xeral
Ese día será a primeira votación

Aprazada até o 4 de xullo a designación do presidente de Nafarroa

A presidenta do parlamento navarro, Elena Torres, di que non ve "tan difícil" un acordo entre PSN e NaBai e pide un "goberno de cambio".

Redacción - 14:25 25/06/2007
O nacionalista Patxi Zabaleta aspira a presidir o goberno navarro

O nacionalista Patxi Zabaleta aspira a presidir o goberno navarro

Malia que o inicio do proceso para a elección do futuro presidente de Nafarroa estaba previsto para este venres, a presidenta do parlamento foral, a socialista Elena Torres, anunciou que se pospón até o 4 de xullo.

Xa que logo, será ese día cando se produza a primeira votación e, de non lograr ninguén a maioría absoluta, a votación repetirase ao día seguinte cando a maioría simple será suficiente para elixir ao xefe do goberno navarro.

Torre que recibirá este venres aos candidatos a presidente, sinalou en declaracións a Radio Euskadi que non ve "tan difícil" un acordo entre PSN e Nafarroa Bai, e neste senso, fixo un chamamento para que se logre un "goberno de cambio".

Por outra banda, o diario español El País afirma na edición deste luns que as dúas formacións conseguiron chegar a acordos sobre o 70% dos seus programas. As maiores diferenzas están na denominación institucional de Nafarroa e na ensinanza do éuscaro neste territorio.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: