Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Éxito do noso audiovisual

'Quérote mal' leva o premio do público de Versión española

A curtametraxe, dirixida por Mireia Giró, xurdiu do guión gañador do certame Compostela Plató 2005.

Redacción - 10:23 26/06/2007

A curtametraxe Quérote mal, de Mireia Giró, acadou o premio do público do concurso convocado polo programa da televisión estatal Versión española. O guión fora vencedor do primeiro certame Compostela Plató, que lle permitiu converterse en filme e participar nunha ampla rede de festivais.

Quérote mal conta a historia dunha muller cega, interpretada por Isabel Naveira, que namora dun home (Monti Castiñeiras) que cambia a súa vida. A curtametraxe, producida por Ficción Producciones, rodouse no verán do ano 2005 grazas ao concurso de guións para curtametraxes Compostela Plató, do festival internacional Curtocircuíto, de Santiago de Compostela.

O certame, organizado pola Compostela Film Commission, pretendía promocionar a capital do país como escenario para a rodaxe de producións audiovisuais. Ademais, permítelles ás obras gañadoras participar en todo tipo de certames por todo o estado. Agora, Quérote mal acada o premio Kodak, concedido polo público do sétimo concurso iberoamericano de curtametraxes Versión Española-SGAE, dotado con 4.000 metros de película virxe.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: