Vieiros

Marta Souto recibiu á delegación galega antes da súa participación en Cuenca no Campionato Estatal de Estrada que se disputa do 29 de xuño ao 1 de xullo.

Os galegos estarán representados por quince corredores, de entre eles sete raparigas, que participarán en fondo e estrada, e oito mozos.

"Fóra do resultado, o feito de que pelexedes polas cores de Galiza é xa un motivo para sentírmonos orgullosos de vós"
Foron as palabras de Marta Souto ao recibir o cambinado galego. Tamén estaban daquela presentes o presidente da Federación galega de Ciclismo, Sabino Cortizo, e os dous novos seleccionadores do equipo galego: Xosé Manuel Oliveira e Kiko Martínez, que foron presentados oficialmente.

Presentación dos novos seleccionadores galegos
Os escollidos para estes postos, e que xa viñan traballando coa Federación Galega dende o pasado mes de xaneiro e teñen ampla experiencia neste deporte: Oliveira foi ciclista profesional do CLAS e do CHCS e foi director deportivo do C.C.Compostelano, Aluminios Alca, C.C.Coruñes-Leyma e C.C.Estradense-H.Diego, e Kiko Martínez traballou coa base do C.C.Noia e do C.C.Barbanza e realizou as funcións de director técnico na 'Volta a Coruña' e na 'Volta a Galicia' Camiños Xacobeos deste ano 2007.

Tamén se aproveitou para bpresentar o novo automóbil co que van viaxar os seleccionados a Cuenca: un Citroën C5 Familiar.