Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
piragüismo

Xa hai tres galegos nas semifinais do Europeo

Os dous quedaron na terceira posición; Cal en C-1, 1.000 e 500 metros e Portela, coas súas compañeiras de K-4, 500 m. O outro galego que tamén se clasificou foi o cangués Carlos Rial.

Redacción - 10:30 29/06/2007
Cal, Portela e Rial xa están clasificados

Cal, Portela e Rial xa están clasificados

Ás 11:14 horas da mañá da quinta feira competía David Cal nos 1.000 metros canoa, e ficou na terceira posición, por detrás do ruso Maxim Opalev e do ucraíno Yuri Cheban, pasando directamente a competir na final, que se celebrará o vindeiro sábado.

Na tarde da sexta feira, o galego competirá arredor das 18:10 horas, nas semifinais dos 500 metros canoa, tentando meterse de cheo na final.

Na xornada da sexta seguen as clasificacións para a final do domingo
As competicións comezan ás 11 horas na pista de Pontillón do Castro, en Verducido.

Ainara Portela debe remar ás 11 horas en K-1, 1000 metros, metida xa na semifinal; e tamén pola tarde, arredor das 18 horas. Emilio Merchan ás 11:14 horas, na semifinal de K-1, 1000 metros.

Os galegos David Mascato e Alfredo Bea estarán remando preto das 11:30 horas, nas semifinais de C-2, 1000 metros, e ás 18:30 horas, tamén nas de 500 metros.

Javier Hertnanz, acompañado do galego Jovino González, no seu regreso á competición, reman ás 11:35 nas semifinais de K-2, 1000 metros.

Verónica Moreno, Silvia Vázquez, Laura Pedruelo e Victoria Fraile compiten a media mañá nas semifinais de K-4, 1000 metros. Saul Cavriotto, Manuel Muñoz, Jaime Acuña e Borja Prieto compiten na semifinal da mesma categoría uns 10 minutos despois.

O cangués Carlos Rial, que ficou segundo en K-1, 500 metros, clasificándose para a semifinal, rema ás 18:15, e Ana Ruz e Zorayma Cazorla reman xuntas uns cinco minutos despois, na semifinal de K-2, 500 metros.


Ligazóns

4/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



O equipo feminino de K-4, con Teresa Portela, xa clasificado
O equipo feminino de K-4, con Teresa Portela, xa clasificado
David Cal entrando na liña de meta
David Cal entrando na liña de meta
Un momento da competición (Imaxes: Guillermo González)
Un momento da competición (Imaxes: Guillermo González)