Vieiros

"Non hai explicación razoábel para isto", criticou o representante do Partido Nacionalista Vasco durante a súa intervención este xoves no Debate do estado da nación.

Beloki recordou que a actual lexislatura comezara coa negativa do Congreso á reforma estatutaria proposta polo Parlamento vasco, e reprochoulle ao goberno español que na altura de 2007 teime en nin sequera acceder aos traspasos competenciais aínda pendentes sobre o Estatuto de Gernika.

Beloki censurou que os socialistas rexeiten agora o que en 2003 e antes de acceder ao poder un ano máis tarde, presuntamente apoiaban. "Daquela votaron en favor da mesma proposta que este xoves presentamos no Congreso", expuxo o nacionalista vasco.

Por outra parte, Beloki adicoulle apenas un par de minutos ao final da súa intervención a tratar a lea antiterrorista, criticando, en alusión ao PP, que haxa quen presente iniciativas coas que lle "dan aire aos terroristas".