O portal do Padroado de Turismo das Rías Baixas emite en directo a espectacular loita entre homes e cabalos
Foto J. Cadaveira www.flickr.com/people/12489946@N00/
Os curros da Rapa das Bestas de Sabucedo, que comeza esta tarde, serán retransmitidos por vez primeira a través de internet. Será no portal do Padroado de Turismo das Rías Baixas, que ofrece así unha alternativa aos problemas que se repiten ano tras ano para conseguir un sitio no que ver a espectacular loita entre homes e animais; pois o número de entradas acostuma a ser insuficiente para atender o interese do público.
Está previsto a celebración de tres rapas. A primeira será as 19:30 do sábado, a seguinte ao mediodía do domingo e a última o luns as 12.30.
Recoñecemento internacional
A Rapa de Sabucedo recibiu recentemente o distintivo de Festa de Interese Turístico Internacional e súmase ás outras tres do país que xa o teñen: a Romería Vikinga de Catoira, o Festival de Ortigueira e a Festa do Apostolo de Santiago de Compostela.