Vieiros

Vieiros de meu Perfil


Edición xeral

RSS de Edición xeral
Non gustan entre os expertos

Sábado de polémicos eventos planetarios

Elixidas as "novas sete marabillas do mundo". O maratón musical Live Earth alertou sobre o quecemento global.

Redacción - 14:15 08/07/2007
Al Gore é o impulsor de 'Live Earth'

Al Gore é o impulsor de 'Live Earth'

Artistas de todo o mundo -máis famosos polos seus avións privados e limusinas que por vivir de xeito ecolóxico- actuaron este sábado en varios países coa intención de alertar a cidadanía do quecemento global. O maratón musical de concertos Live Earth comezou en Australia ás 0.00 horas (GMT) e concluíu en Brasil sete horas despois, tras pasar por diversas cidades.

O evento, que contou con importantes figuras da música pop internacional nas listas de vendas, foi organizado polo ex vicepresidente dos EUA Al Gore, quen asegurou que esta só é o comezo dunha campaña de tres anos para tratar de "curar o planeta".

Porén, dende grupos en defensa do medio natural matizan este tipo de iniciativas. Luís González de Ecoloxistas en Acción non ten dúbidas en afirmar que Live Earth "é un evento mediático-festivo sen contido algún, un carro o que se están a sumar empresas e gobernos que non fan nada para combater o cambio climático".

Elección das "sete marabillas do mundo"

Por outra banda, tamén este sábado tivo lugar outro evento de eco planetario, concretamente en Lisboa, onde nun espectáculo de luz e son deuse a coñecer o resultado dunha votación -vía internet e mensaxes de móbiles- para seleccionar as sete novas marabillas do mundo.

A Grande Muralla Chinesa, a cidade de Petra, o Cristo Redentor de Rio de Janeiro, Machu Picchu, Chichén Itzá, o Coliseo romano e o Taj Mahal, foron as elixidas. A iniciativa foi organizada polo viaxeiro e cineasta suízo Bernard Weber despois da destrución dos Budas xigantes de Bamiián, en 2001, polos talibáns.

O evento foi criticado por numerosos e importantes arqueólogos e historiadores, entre outras cousas, polo marcado carácter comercial da iniciativa.

"Esta campaña non é nin democrática nin científica", denunciou Nicole Bolomey, unha especialista da Unesco con sede na India. Pola súa banda o xefe das antigüidades exipcias, Zahi Hawass, cualificou pola súa banda o concurso de "operación publicitaria".


4,75/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Imaxes das 'marabillas' candidatas
Imaxes das 'marabillas' candidatas