"A canteira ten que ter selo galego"
Estas foron as palabras de Xosé Luís Molina, a nova incorporación do Celta, nunha "clara declaración de intencións", segundo din dende o clube vigués.
O clube celeste, que leva semanas mudando os seus cargos de responsabilidade, presentou tamén novo coordinador da canteira na mañá da segunda feira.
O tamén novo director deportivo do Celta, Ramón Martínez, deulle a benvida a Molina, que se amosou encantado de estar no Celta dicindo que é "unha oportunidade que non podía deixar pasar", na que é preciso "reconstruír unha estrutura de futuro no clube vigués".
Cando lle preguntaron, Molina non descartou meter na canteira xogadores de fóra do país, mais quixo reiterar que a súa prioridade e o seu primeiro obxectivo é "conseguir que o mellor de Vigo, o mellor da provincia de Pontevedra e o mellor de Galiza xogue no Celta".
"Eu coordino, non mando"
Ante as preguntas dos medios, na súa presentación, Molina dixo sentirse máis coordinador que director, xa que confía no "carácter e personalidade de cada un dos adestradores das distintas categorías".
"A base do meu traballo é tratar con cariño a todos os xogadores, mais esixíndolles, para que desexen triunfar no Celta e non fuxir a outros equipos", dixo Molina, cando foi preguntado: "os rapaces teñen que ir sempre coa perspectiva, coa meta de ingresar algún día no cadro de xogo do primeiro equipo".
Comentarios (9)
Sempre as mesmas parvadas. Levo dende o 92 de sócio, 15 anos, e nunca lhe fixerom casso.
E o Celta B case um lustro consecutivo na divissom de bronce. O ano passado poderiam ter xogado eles, total os mercenários da 1a equipa só fixerom o ridículo.
A ver se fan algo bo desa canteira, que nos últimos anos apenas deu de si
Eu non teño esperanzas de que tomen en serio a canteira, porque xa levamos moitos anos coa mesma leria e logo, a fichar xente de canto máis lonxe mellor, e os xogadores da canteira galega en xeral marcha fóra e desperdícianse así xogadores que poderían resultar moi baratos para o clube.
Así que mentres non se demostre o contrario, non creré na política da canteira por parte do Celta nin do Deportivo.
Porque habería que ter en conta que clase de dirixentes temos nos equipos e que clase de intereses representan. Ata o momento, sempre xente de dereitas, moi conservadora e vencellada ao PP. Por certo, o fillo do presidente do Celta forma parte do equipo de goberno de dereitas en México, ese goberno do PAN que chegou ao poder tras unhas eleccións máis que sospeitosas de fraude electoral.
De momento os novos do Celta demostraron algún toque galeguista. Por outra parte, eu tampouco confiarei na política de canteira ata que vexa resultados
Que pena que os directivos só se lembren da canteira cando baixan de categoría e non teñen cartos para fichar xogadores. Na maioría dos casos, a aposta pola canteira, máis que unha virtude é unha necesidade.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto