A nosa lingua está ben viva en Estremadura
A lingua chega ben máis alá das nosas fronteira. No Val do río Ellas, no noroeste de Cáceres, fálanse tres variedades: mañego en San Martín de Trebello, o valverdeiro en Valverde do Fresno e o lagarteiro nas Ellas. Aquí podemos escoitar un exemplo:
No Val pode haber uns 5.000 falantes, ademais doutros 3.000 que viven fóra. Téñeno como lingua habitual, e non hai perda de transmisión xeracional, aínda que Valverde é o concello máis castelanizado: dende o 60 aumentaron os castelanismos da lingua falada, grazas á escola, ao servizo militar e aos medios de comunicación.
Xa varios filólogos, como Leite de Vasconcelos ou Lindley Cintra, teñen investigado sobre a proximidade co portugués destes dialectos. Clarinda de Azevedo abórdao dende a posibilidade de que a fala proceda do galego-portugués arcaico, e polo tanto sexa máis próxima ao galego actual ca ao portugués. José Luis Martín Galindo fala dunha posíbel repoboación galega,eHenrique Costas sitúaa entre os séculos XII e XIII: a interferencia de leonesismos e a existencia de palabras galegas na Serra de Gata e no suroeste de Salamanca podería indicar que a extensión da fala na Idade Media foi maior.
Graos de normalización lingüística
Aquí soubemos dela no 91, cando Antón Reixa entrevistara no programa Sitio Distinto a un camioneiro de Valverde que espertou o interese de Francisco Fernández Rei, quen llo comenta a Xosé Henrique Costas González. Mesmo existe un acervo literario nesta variedade: un conto en mañego, Cuadro de Costumbres foi publicado por José López Vidal na Revista de Extremadura no 1910. Isabel López Lajas escribiu sainetes en valverdeiro nos anos 30 e 50, e Domingo Frades, mañego e membro da Real Academia Galega, é autor de Versos de un verán (1977), As Ellas y o sei castelu (1980), Algu sobre a nossa fala 1 e 2 (1975) e Vamus a falal (1994). Severino López das Ellas publicou o primeiro libro en lagarteiro en 1994: Topónimus d'As Ellas y rimas en Lagarteiru, e o seu irmán Ambrosio escribiu poesía inédita, incluíndo o himno oficial das Ellas.
Ademais, algunha emisora ten emitido programas en valverdeiro, e publícanse a revista A Nosa Fala ou o trimestral Anduriña, en lagarteiro. Edítano Fala i Cultura e Amigus d'As Ellas i du sei castelu. A Asociación Fala i Cultura do Val do Ríu Ellas constituíuse no 91, e celebra todos os anos o Día da Fala. Tamén ese 3 de agosto os alcaldes dos tres concellos subscribiron un documento coñecido como o Manifesto dos alcaldes, en que se demandaba ás autoridades provinciais e autonómicas a adopcións de medidas para a conservación da fala. Os carteis e programas das festas, e mesmo as obras de teatro infantil, fanse na fala, e impártense cursos para funcionarios locais da variedade de cada concello.
Novas relacionadas
Comentarios (8)
Galego exterior vs. galego interior....isto lémbrame o do DESCUBRIMENTO!!! de América...E logo!, quen está no interior e quen no exterior? Estarei eu no interior ou no exterior? Que será máis importante, estar no interior ou no exterior?...MMMMMMMMM, seremos capaces de afastar o eucentrismo? Seremos capaces de amar, de recoñecer ó outro como algo verdadeiramente valioso, de imaxinarnos na súa posición?
Como si lo de Extremadura fuera gallego...¡jajaja!
O português falado na Estremadura espanhola, nom apenas nesse vale, como também noutras comarcas, como Olivença, é tam galego como o falado em Montalegre ou Viana do Castelo.
Já estudado no seu dia por Leite de Vasconcelos, nom é preciso inventarmos sem qualquer prova supostas repovoações na Idade Média para justificar as actuais falas, bastante espanholizadas e portanto parecidas com certo galego urbano ou da TVG.
Porque se reclama a galeguidade das falas portuguesas estremenhas enquanto se nega a das de Portugal? Chama bem a atençom.
Fariam bem as autoridades galegas em se procuparem do desaparecimento do galego-português na Galiza, incluída a sua Faixa Oriental, e nom esbanjarem recursos e esforços para a defesa da língua a 400 km do nosso país. Essa, em todo o caso, seria missom para um Estado como Portugal.
Concordo co Piorno.
Para min é máis importante que se fale galego na Coruña, Vigo ou Ferrol. Non me importa o que se fale en Estremadura. Eles saberán o que fan coa súa lingua...
Que fomenten o uso do galego nesas tres cidades e que se deixen de viaxar por aí adiante.
O Gaviotero precisa un curso acelerado de lingüística urxente. Eu sufro de vergoña allea cada vez que se mete o pobre home en temas de lingüística...
Como sigamos facendo ENTOMOLOXÍA LINGÜÍSTICA imos atopar certas raigames galegas entre os Yanomami... de seguro que algún galego pasou por aquelas terras e deixou algún descendente que aínda hoxe cando se manca berra: 'carallo'!!!
A Dirección Xeral de Política Lingüística debera PROTESTAR pola chegada da escola e os medios de comunicación a estas terras pois foron as responsables da 'contaminación con castelanismos' dunha lingua 'tan galega como o galego'!
Haberá que sofrir en silencio estas magníficas obras de restauración levadas a cabo polo ínclito Bieto Lobeira mentres en Galicia tiramos de Decreto de Normalización e todos contentos...!
¿Cando son as vindeiras eleccións?
En Badajoz es que no se habla otra cosa que gallego...que le pregunten al Vicesinvergüenza de la Xunta, al tal Quintana, que os lo dirá...
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto