Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Deportes Náuticos

Comezan os Xogos Náuticos Intercélticos en Bretaña, cunha representación galega

A vindeira sexta feira comezan estes xogos na cidade bretona de Morlaix.

Redacción - 11:20 12/07/2007

Os Xogos Náuticos Intercélticos foron creados en 1995 en Bretaña, e dende aquela teñen percorrido o conxunto de rexións e países celtas: o País de Gales, Galiza, Cornualles, Escocia, Asturias, o Norte de Portugal e Irlanda. En 1997 celebráronse en Ferrol, e no 2004 n' O Salnés.

É un gran encontro dos deportes náuticos -vela, surf, carreras de kaiak, remo- e tamén das culturas celtas, e tense convertido nun evento ineludíbel nos veráns da Europa Occidental. Cada ano, entre 600 e 800 competidores, acompañados de varios grupos de músicos e de bailaríns da súa terra, xúntanse nun ambiente cordial, amigábel e deportivo.

Os Xogos Náuticos Intercélticos están recoñecidos polas Federacións Internacionais dos deportes náuticos (vela, remo, surf...).

A participación galega
Galiza participa con 5 federacións: Vela, Surf, Remo, Piragüismo e Actividades Subacuáticas, sendo a expedición galega, entre deportistas e técnicos, de 110 persoas. Os galegos convidados este ano a Morlaix teñen previsto viaxar á Bretaña na sexta feira, 13 de xullo, cara a sede dos xogos.

Edicións anteriores dos Xogos

1995: Bretaña - Francia (Presqu'île de Crozon)
1996: País de Gales - Gran Bretaña (Tenby)
1997: Galiza (Ferrol)
1998: Cornualles - Gran Bretaña (Bude)
1999: Ecosse - Gran Bretaña (Largs)
2000: Asturias (Xixón)
2001: Norte - Portugal (O Porto)
2002: Donegal - Irlanda (Ballyshannon)
2003: Bretaña - Francia (Pays de Morlaix)
2004: Galiza (O Salnés)
2005: Asturias (Xixón)
2006: Cornualles - Gran Bretaña (Falsmouth)
2007: Bretaña - Francia (Pays de Morlaix)


4,88/5 (8 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: