Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Calendario ligueiro

Celta-Rácing: derbi o 4 de novembro

A Liga comeza o 26 de agosto e en Primeira División veremos o Deportivo-Almería. Por abaixo: Celta-Córdoba e Rácing de Ferrol-Éibar.

Redacción - 09:20 13/07/2007

Almería na primeira xornada e Valladolid na segunda serán os dous primeiros encontros que terá que desputar o Deportivo da Coruña, único representante galego para a tempada 2007-2008 na máxima categoría do fútbol estatal. A sorte quixo que os deportivistas poidan estrearse así, na casa primeiro e como visitantes despois, con dous equipos que acaban de ascender da Segunda División.

Ao tempo, en Segunda o Celta comeza a primeira volta en Balaídos, fronte ao Córdoba, e viaxa na segunda xornada a Castellón. Da súa banda, o Rácing de Ferrol tamén fai a estrea na casa, diante do Éibar, e viaxa na segunda xornada a Andalucía para enfrontarse ao Ejido.

Por outro lado, o sorteo deixa o primeiro derbi galego para o próximo 4 de novembro, día no que Balaídos acollerá o choque entre Celta e Rácing. Será na xornada 11ª e para daquela é de agardar que os dous equipos estean xa rodados no primeiro treito da tempada.

O calendario completo na web da Liga de Fútbol Profesional, LFP.


4/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: